मिथिला में कन्यादान एकटा जटिल समस्या

सौराठ सभा कहिया अस्तित्वा में आयल और किया आयल इ बात शोध के विषय भय सकैत अछि ,लेकिन सभा मैथिल समाज के लेल अइयो अपरिहार्य अछि . इ बात स इनकार नहीं कयल जा सकैत अछि .सभा गाछी स लक इ सभा तक मिथिला समाज कतेक दौर देखलैंह अछि लेकिन कन्यादान के मामला में समस्या जस के तस अछि । जाहिर अछि मॉस मीडिया के जे भूमिका मैथिल समाज के बीच होइबक चाही से नहीं भय सकल । दिल्ली स्थित मिडिया स जुडल लोग अपन सामाजिक दायित्व के निहितार्थ इ प्रयास शुरू केलेन्ह अछि जे एक बेर फेर मैथिल समाज क सभा स्थापित कयल जाय । यानी कन्यादान क लेल सिमित विकल्प में विस्तार देल जाय । ३० साल पहिने मिथिला में सौराठ सभा के अलावा १४ सभा लागैत छल ,जाहिमे कन्या क पिता अपन सुबिधा स बर तलासैत छलाह । इ सभा मिथिला के तक़रीबन हर इलाका में छल । परतापुर सभा ,खामगादी सभा ,शिवहर सभा ,गोविन्द पुर सभा ,फत्तेपुर सभा ,सिझौल सभा ,सुख्सैना सभा ,अखरही सभा ,हेमानगर सभा ,बलुआ सभा ,बरौली सभा ,समौल सभा ,सहसौला सभा । कही सकैत छि जे अहि सभा क तार कतो न कतो वैदिक सभा स जुडल अछि । आस्थावान लोक एही सभा के तीर्थ मानैत छलाह । लेकिन आस्था में कमी आयल ,जिन्दगी में व्यस्तता बढ़ल, सामाजिक सरोकार बदलल त इ सभा क अस्तित्व ख़तम भय गेल । सभा क अस्तित्वा ख़तम भई गेल ,लेकिन की परंपरा क आग्रही समाज आचार विचार में कोनो परिवर्तन लैब सक्लैथ? जाहिर अछि कन्यादान क प्रति मैथिल समाज क आस्था और परंपरा कायम अछि । महराजा हरिसिंह देव के समय स चलै वाला पंजीकार क प्रथा जारी अछि । यानी सबकिछु विधिवत जारी अछि ,सिर्फ परिचय क अभाव अछि । जाहिर अछि दहेज़ समाज पर हावी अछि । पिछला पांच साल स बेटी क विवाह क लेल संघर्ष करैत कामेश्वर बाबू अहि होली में फोन केलैंह जे एकटा सुयोग्य बर ताकू । हमरा बुझल छल जे अपन पूरा परिशक्ति लगा कई कामेश्वर बाबू सरकारी सेवा में उच्च पद पर कार्यरत दूल्हा चाहैत छलाह । दहेज़ क कोनो शर्त नहि,यानि मुह माँगा । लेकिन आब सिर्फ सुयोग्य बर चाही । इ मैथिल समाजक पिता क मजबूरी अछि या मैथिल समाजक बीच विकल्पक अभाव । मैथिल समाज में विकल्प के बढ़वाई के लेल अहांक सहयोग अपेक्षित अछि । अहांक सुझाव अपेक्षित अछि । विभा रानी क सुझाव पर सेहो गौर कैयल जा सकैत अछि जे पलायन मिथिला स एकटा जाती विशेष के नहि भेल छैन बल्कि अहिमे हर समुदाय के लोग प्रभावित छैथ एकरा विस्तार देवाक जरूरी अछि । अहाँ अपन सुझाव अहि इ मेल पर सेहो भेज सकैत छि । saurathsabhamithila@gmail.com